andhra news mail

హైదరాబాద్ : మన పురాణాల గురించి మీకు తెలుసు తొమ్మిది అవతారాల తరువాత ప్రజలకు మంచి చేయడానికి దశావతారాన్ని దాల్చారు, పదవ అవతారంతో తెలంగాణ సమస్యకు పరిష్కారం లభించవచ్చు అని శ్రీకృష్ణ కమిటీ చైర్మన్ శ్రీకృష్ణ అభిప్రాయం వ్యక్తం చేశారు. శ్రీకృష్ణ కమిటీ చైర్మన్ శ్రీకృష్ణ, మెంబర్ సెక్రటరీ దుగ్గల్ లేక్‌వ్యూ అతిధిగృహంలో శుక్రవారం విలేఖరుల సమావేశంలో మాట్లాడారు. తెలంగాణ అంశంపై ఇప్పటి వరకు తొమ్మిది కమిటీలు వేశారు, ఈ తొమ్మిది కమిటీలు సాధించలేనిది పదవ కమిటీ సమస్యను పరిష్కరిస్తుందని ఆశించవచ్చునా? అని ఒక విలేఖరి ప్రశ్నించగా, తొమ్మిది అవతారాల తరువాత కూడా భగవంతుడు పదవ అవతారాన్ని ఎత్తారని, ఆ రకంగా దశావతారంలో తెలంగాణ సమస్యకు పరిష్కారం లభించవచ్చునని తాను ఆశిస్తున్నట్టు శ్రీకృష్ణ తెలిపారు. కమిటీ హైదరాబాద్‌లో తొలిసారిగా జరిపిన పర్యటన సుహృద్భావ వాతావరణంలో విజయవంతంగా సాగిందని శ్రీకృష్ణ తెలిపారు. తొలి పర్యటనలో కేవలం కమిటీకి వౌలిక సదుపాయాలను పరిశీలించడానికి, పరిచయాల కోసం మాత్రమే ప్రాధాన్యత ఇచ్చినట్టు చెప్పారు. గవర్నర్ విందులో ప్రధాన రాజకీయ పక్షాల నాయకులు పాల్గొన్నారని, చక్కని వాతావరణంలో అభిప్రాయాలు పంచుకున్నామని తెలిపారు. తొలుత ఒకరిపై ఒకరికి విశ్వాసం, నమ్మకం ఏర్పడడం అవసరం, తొలి సమావేశంలో కమిటీకి నాయకులకు మధ్య చక్కని విశ్వాసం ఏర్పడిందని తెలిపారు. శ్రీకృష్ణ కమిటీ తెలంగాణ ఏర్పాటు కోసమా? లేక తెలంగాణ ఇవ్వకుండా ఉండేందుకా? అని విలేఖరులు ప్రశ్నించగా, తాము తెలంగాణ ఇవ్వడానికో, వద్దని చెప్పడానికో లేమని, సమస్యను గుర్తించి, దానికి పరిష్కార మార్గం సూచించేందుకు ఉన్నట్టు తెలిపారు. తెలంగాణ ఏర్పాటు ప్రక్రియ ప్రారంభించనున్నట్టు హోంమంత్రి ప్రకటించిన తరువాత కమిటీ అభిప్రాయం సేకరణ జరపడం ఏమిటని ఒక విలేఖరి ప్రశ్నించగా, తెలంగాణ ప్రక్రియ ప్రారంభించనున్నట్టు హోంమంత్రి ప్రకటించడాన్ని రేపే తెలంగాణ ఇచ్చేస్తున్నాం అని ప్రకటించినట్టుగా భావించవద్దని శ్రీకృష్ణ తెలిపారు. అభిప్రాయ సేకరణ, సమస్యను తెలుసుకోవడం అన్నీ అందులోకి వస్తాయని హోంమంత్రి ప్రకటనపై తాను భావిస్తున్నానని శ్రీకృష్ణ తెలిపారు. చిదంబరం ప్రకటన తరువాత మారిన పరిస్థితిల్లో కమిటీ వేశారని తెలిపారు.
కొందరు కమిటీకి తప్పుడు సమాచారాన్ని ఇస్తున్నారని, అభివృద్ధితో పాటు వివిధ అంశాలపై కమిటీకి వచ్చిన సమాచారాన్ని వెబ్‌సైట్‌లో అందరికీ అందుబాటులో ఉంచాలని టిఆర్‌ఎస్ చేసిన డిమాండ్‌ను ప్రస్తావించగా, తమకొచ్చిన సమాచారంలో ముఖ్యమైన వాటిని వెబ్‌సైట్‌లో అందుబాటులో ఉంచనున్నట్టు శ్రీకృష్ణ తెలిపారు. త్వరలోనే శ్రీకృష్ణ కమిటీకి వెబ్‌సైట్‌ను ఏర్పాటు చేయనున్నట్టు తెలిపారు. తెలంగాణలో ముస్లింల సంఖ్య ఎక్కువగా ఉన్నందున వారి అభిప్రాయ సేకరణకు ప్రత్యేక ఏర్పాట్లు చేయాలని కోరగా, ఆమ్ ఆద్మీని కలుస్తామని కమిటీ ముందే ప్రకటించిందని, ఆమ్ ఆద్మీలో ముస్లింలు కూడా ఉంటారని తెలిపారు. అన్ని ఉర్దూ పత్రికల్లో కమిటీ నోటిఫికేషన్‌ను ఇచ్చామని తెలిపారు. ఏప్రిల్ మొదటి వారంలో రాష్ట్రంలో పర్యటించనున్నట్టు తెలిపారు. గవర్నర్ విందు హాజరైనప్పుడు రాజకీయ పక్షాల నాయకులు చక్కని వాతావరణంలో మాట్లాడుకున్నారని, కమిటీకి వారి నుంచి పూర్తి సహకారం అందుతుందని ఆశిస్తున్నట్టు తెలిపారు.

ముంబాయి : ఇటీవలే విడుదలైన 'త్రీ ఇడియట్స్' సినిమా విజయంతో ఫుల్ ఖుషీలో ఉన్న బాలీవుడ్ నటుడు అమీర్ ఖాన్ కు మరో అదృష్టం కలిసి వచ్చింది. వాణిజ్య ప్రకటనల్లో నటించేందుకు గాను ఇంతకు ముందెన్నడూ కనీవినీ ఎరుగనంత పెద్ద మొత్తంలో పారితోషికం ఆమిర్ కు లభించనున్నది. దుబాయ్ కి చెందిన ఒక టెలికమ్యూనికేషన్ సంస్థ 35 కోట్ల రూపాయలు చెల్లించేందుకు అమీర్ తో ఒప్పందం కుదుర్చుకుంది. ఇంతవరకూ మరే ఇతర బాలీవుడ్ సెలబ్రిటీకీ ఇంత పెద్దమొత్తంలో పారితోషికం లభించలేదు. బాలీవుడ్ నటులకు దక్కిన అత్యదిక పారితోషికాలు కేవలం 12 కోట్లు, 15 కోట్ల రూపాయలు మాత్రమే. దుబాయ్ టెలికమ్యూనికేషన్ సంస్థతో చేసుకున్న ఒప్పందం ప్రకారం రెండేళ్ళపాటు మీడియా షూట్స్ కు, మీడియా ప్రకటనల్లో ఆమిర్ స్వయంగా హాజరు కావాల్సి ఉంటుంది.

ఇంత పెద్ద ఒప్పందంపై అమీర్ ఒప్పందం చేసుకోవడంపై 'అడ్వర్టైజ్ మెంట్ గురు'గా ప్రసిద్ధుడైన ప్రహ్లాద్ కక్కర్ సానుకూలంగా స్పందించారు. అమీర్ తొలిసారిగా 1993లో కోలా సంస్థ కోసం నటించిన వాణిజ్య ప్రకటనకు ప్రహ్లాద్ కక్కరే దర్శకత్వం వహించారు. 'డబ్బు ఎంత ఇచ్చామన్నది పక్కన పెట్టండి. ఎంతో కష్టపడి అమీర్ ఖాన్ ఇంత ఉన్నత స్థాయికి ఎదిగాడు. ఇదేమంత ఆశ్చర్యకరం కాదు. ఒక వ్యక్తి తన తెలివితేటలతోను, కష్టపడి ఎలాంటి ఉన్నత శిఖరాలనైనా అధిరోహించగలడనే దానికి అమీర్ ఉదాహరణగా నిలిచాడు' అన్నారు. అమీర్ ఖాన్ తో కలవడం వల్ల ఆ సంస్థకు కూడా మంచి ప్రయోజనమే కలుగుతుంది. ఎందుకంటే ప్రచారం స్క్రిప్టు విషయంలో అమీర్కచ్చితత్వం, అతని సొంత ఇమేజ్ కూడా సంస్థ ఉత్పత్తులకు చక్కని ఆదరణ లభించగలదన్నారు.

హొజయిరీ వాణిజ్య ప్రకటనల్లో నటించిన బాలీవుడ్ నటులు షారుఖ్ ఖాన్ 15 కోట్లు, అక్షయ్ కుమార్ 15 కోట్లు, హృతిక్ రోషన్ 15 కోట్లు, సల్మాన్ ఖాన్ 12 కోట్ల రూపాయలు ఇంతవరకూ అత్యధిక పారితోషికం తీసుకున్నవారిగా నిలిచారు. తాజాగా అమీర్ కు దక్కిన 35 కోట్ల రూపాయల ఒప్పందం కారణంగా ఆ రికార్డులు వెనక్కిపోనున్నాయి. వాణిజ్య ప్రకటనల్లో నటనకు చెల్లించే పారితోషికం గత సంవత్సరం ఒక్కసారిగా పెరిగిపోయిందని ఒక లీడింగ్ అడ్వర్టయిజ్ మెంట్ నిర్మాత వ్యాఖ్యానించారు. కొత్తగా పరిశ్రమలో అడుగుపెట్టిన రణ్ బీర్ కపూర్ కు కూడా రెండేళ్ళ ఒప్పందం కోసం 7 కోట్ల రూపాయలను ఒక చెల్లించాల్సి వచ్చిందని మరో ప్రకటనకర్త తెలిపారు.

ముంబాయి : ఇటీవలే విడుదలైన 'త్రీ ఇడియట్స్' సినిమా విజయంతో ఫుల్ ఖుషీలో ఉన్న బాలీవుడ్ నటుడు అమీర్ ఖాన్ కు మరో అదృష్టం కలిసి వచ్చింది. వాణిజ్య ప్రకటనల్లో నటించేందుకు గాను ఇంతకు ముందెన్నడూ కనీవినీ ఎరుగనంత పెద్ద మొత్తంలో పారితోషికం ఆమిర్ కు లభించనున్నది. దుబాయ్ కి చెందిన ఒక టెలికమ్యూనికేషన్ సంస్థ 35 కోట్ల రూపాయలు చెల్లించేందుకు అమీర్ తో ఒప్పందం కుదుర్చుకుంది. ఇంతవరకూ మరే ఇతర బాలీవుడ్ సెలబ్రిటీకీ ఇంత పెద్దమొత్తంలో పారితోషికం లభించలేదు. బాలీవుడ్ నటులకు దక్కిన అత్యదిక పారితోషికాలు కేవలం 12 కోట్లు, 15 కోట్ల రూపాయలు మాత్రమే. దుబాయ్ టెలికమ్యూనికేషన్ సంస్థతో చేసుకున్న ఒప్పందం ప్రకారం రెండేళ్ళపాటు మీడియా షూట్స్ కు, మీడియా ప్రకటనల్లో ఆమిర్ స్వయంగా హాజరు కావాల్సి ఉంటుంది.

ఇంత పెద్ద ఒప్పందంపై అమీర్ ఒప్పందం చేసుకోవడంపై 'అడ్వర్టైజ్ మెంట్ గురు'గా ప్రసిద్ధుడైన ప్రహ్లాద్ కక్కర్ సానుకూలంగా స్పందించారు. అమీర్ తొలిసారిగా 1993లో కోలా సంస్థ కోసం నటించిన వాణిజ్య ప్రకటనకు ప్రహ్లాద్ కక్కరే దర్శకత్వం వహించారు. 'డబ్బు ఎంత ఇచ్చామన్నది పక్కన పెట్టండి. ఎంతో కష్టపడి అమీర్ ఖాన్ ఇంత ఉన్నత స్థాయికి ఎదిగాడు. ఇదేమంత ఆశ్చర్యకరం కాదు. ఒక వ్యక్తి తన తెలివితేటలతోను, కష్టపడి ఎలాంటి ఉన్నత శిఖరాలనైనా అధిరోహించగలడనే దానికి అమీర్ ఉదాహరణగా నిలిచాడు' అన్నారు. అమీర్ ఖాన్ తో కలవడం వల్ల ఆ సంస్థకు కూడా మంచి ప్రయోజనమే కలుగుతుంది. ఎందుకంటే ప్రచారం స్క్రిప్టు విషయంలో అమీర్కచ్చితత్వం, అతని సొంత ఇమేజ్ కూడా సంస్థ ఉత్పత్తులకు చక్కని ఆదరణ లభించగలదన్నారు.

హొజయిరీ వాణిజ్య ప్రకటనల్లో నటించిన బాలీవుడ్ నటులు షారుఖ్ ఖాన్ 15 కోట్లు, అక్షయ్ కుమార్ 15 కోట్లు, హృతిక్ రోషన్ 15 కోట్లు, సల్మాన్ ఖాన్ 12 కోట్ల రూపాయలు ఇంతవరకూ అత్యధిక పారితోషికం తీసుకున్నవారిగా నిలిచారు. తాజాగా అమీర్ కు దక్కిన 35 కోట్ల రూపాయల ఒప్పందం కారణంగా ఆ రికార్డులు వెనక్కిపోనున్నాయి. వాణిజ్య ప్రకటనల్లో నటనకు చెల్లించే పారితోషికం గత సంవత్సరం ఒక్కసారిగా పెరిగిపోయిందని ఒక లీడింగ్ అడ్వర్టయిజ్ మెంట్ నిర్మాత వ్యాఖ్యానించారు. కొత్తగా పరిశ్రమలో అడుగుపెట్టిన రణ్ బీర్ కపూర్ కు కూడా రెండేళ్ళ ఒప్పందం కోసం 7 కోట్ల రూపాయలను ఒక చెల్లించాల్సి వచ్చిందని మరో ప్రకటనకర్త తెలిపారు.