andhra news mail

న్యూఢిల్లీ : కేంద్ర మంత్రి శశిథరూర్ మంత్రి పదవికి ఎసరు తెచ్చిన కొచ్ఛీ ఐపీఎల్ ఫ్రాంఛైజీ వివాదం కొత్త మలుపు తిరిగింది. మంత్రి శశిథరూర్ ప్రియరాలు సునంద పుష్కర్ కొచ్చీ టీమ్ లోని తన వాటాను వదులుకుంటున్నట్లు ప్రకటించింది. రెండజ్వస్ స్పోర్ట్స్  సంస్థ తనకు ఇచ్చిన వాటాను వెనక్కి ఇస్తున్నట్లు ఆమె వెల్లడించింది. మంత్రి శశిథరూర్ అధికార దుర్వినియోగం చేసి తన ప్రియురాలికి టీమ్ లో వాటాను ఇచ్చారని ఐపీఎల్ చైర్మన్ లలిత్ మోడీ వెల్లడించడంతో రాజకీయంగా కలకలం రేగిన సంగతి తెలిసిందే. ఈ వివాదం తన మంత్రి పదవికి ఎసరు పెడతుండటంతో థరూర్ ఆదివారం ప్రధాని మన్మోహన్ సింగ్ ను కలసి వివరణ ఇచ్చుకున్నారు. ప్రధానిని థరూర్ కలిసిన కొద్దిసేపటికే కొచ్చీ టీమ్ లో తన వాటాను వదులుకుంటున్నట్లు సునంద వెల్లడించడం విశేషం. కాంగ్రెస్ పార్టీ అధిష్ఠానం ఆదేశాల మేరకే థరూర్ తన ప్రియురాలితో ఈ ప్రకటన చేసినట్లు తెలుస్తోంది. అయితే ఇదే విషయాన్ని మీడియా సునంద పుష్కర్ ప్రతినిధిని ముందు ప్రశ్నించగా, ఆయన కొట్టిపారేసారు. సునంద తీసుకున్న ఈ నిర్ణయం వెనుక ఎవరి ఒత్తిడి లేదని ఆయన స్పష్టం చేసారు.

న్యూఢిల్లీ : భారతదేశం గురువారం నాడు బృహత్తర జనగణన కార్యక్రమానికి శ్రీకారం చుట్టింది. దేశ వ్యాప్తంగా 102కోట్లకు పైగా ఉన్న జనాభాను చుట్టివచ్చే ఈ మహాక్రతువును రాష్టప్రతి ప్రతిభా పాటిల్‌తో మొదలు పెట్టారు. దశాబ్దానికి ఒకసారి భారతదేశంలో జనాభాను లెక్కిస్తారు. తాజాగా ప్రారంభమైన జాతీయ జనగణన కార్యక్రమంలో 25లక్షల మంది అధికారులు పాలు పంచుకోనున్నారు. పౌరుల సామాజిక, ఆర్థిక, సాంస్కృతిక తదితర నేపథ్యాలతో కూడిన సమాచారాన్ని సేకరించి, జాతీయ జనాభా రిజిష్టర్‌ను రూపొందిస్తారు. ‘జాతీయ జనగణన తయారీలో నా దేశ సోదర, సోదరీ మణులందరూ పెద్ద మనసు చేసుకుని భాగస్వాములు కావాలని కోరుతున్నాను.

ఇది జాతి యావత్తుతో పాటు వ్యక్తిగతంగా ప్రతి ఒక్కరికి ఎంతో ముఖ్యమైనది’ అని రాష్టప్రతి భవన్‌లో అధికారులు తన పేరును నమోదు చేసుకున్న తరువాత రాష్ర్టపతి ప్రతిభా పాటిల్‌ దేశ ప్రజలకు సందేశాన్నిచ్చారు. ఈ కార్యక్రమంలో హోం మంత్రి పి. చిదంబరంతో పాటు రిజిస్ట్రార్‌ జనరల్‌, జన గణన కమిషనర్‌ సి. చంద్రమౌళి, డిప్యూటీ డైరెక్టర్‌ జనరల్‌, జాతీయ జనాభా రిజిస్ట్రార్‌ ఎస్‌కే చక్రవర్తి పాల్గొ న్నారు. హోంమంత్రి చిదంబరం మాట్లాడుతూ 102కోట్ల మంది జనాభాను లెక్కించిన తరువాత, గుర్తింపు కార్డులు సమకూర్చనుండడం మానవాళి చరిత్రలోనే ఇది మొదటి సారి అన్నారు. ‘ఈ కార్యక్రమం తప్పకుండా విజయవం తం కానుంది. దేశవ్యాప్తంగా ఏ ఒక్క గ్రామాన్ని వదల కుండా లెక్కగడతాం’ అని చిదంబరం స్పష్టం చేశారు.

రూ. 2,209కోట్ల ఖర్చు...
అతిపెద్ద ఈ జనగణన కార్యక్రమానికి రూ. 2, 209కోట్లు ఖర్చు చేయనున్నారు. ఈ సారి జాతీయ జనాభా రిజిష్టర్‌(ఎన్‌పీఆర్‌)లో వ్యక్తుల నుంచి మొబైల్‌ ఫోన్లు, కంప్యూటర్లు, ఇంటర్నెట్‌ సౌకర్యం, తాగునీటి సౌకర్యం ఇతర అంశాలతో కూడిన సమాచారాన్ని కూడా అధికారులు సేకరించనున్నారు. కులపరంగా జనాభాను లెక్కించడంలేదని ప్రభుత్వం స్పష్టం చేసింది. ‘పూర్తి సమాచారంతో కూడిన ఒక ప్రత్యేక ఫారాన్ని నింపి, రశీదును ఇస్తాం. సమాచారాన్ని అంతా సేకరించి డిజిటలైజ్‌ చేస్తాం. దేశ వ్యాప్తంగా ప్రత్యేక క్యాంపులు నిర్వహించి రశీదులు చూపెట్టిన వారందరి వేలి ముద్రలు, ఫొటోగ్రాఫ్‌లు సేకరిస్తాం’ అని చక్రవర్తి వెల్లడించారు. వేలిముద్రలను భారత విశిష్ట గుర్తింపు సంస్థకు అందజేస్తామని ఆయన తెలిపారు. ఎన్‌పీఆర్‌ ద్వారా దేశ జనాభా అంతా ఒకే డాటాబేస్‌ కిందికి వస్తుందని ఆయన పేర్కొన్నారు.

రెండు దశల్లో జనగణన...
జనాభా లెక్కల కార్యక్రమ విధానాలను కమిషనర్‌ చంద్రమౌళి వెల్లడించారు. జనగణను రెండు దశలలో నిర్వహిస్తామని ఆయన చెప్పారు. మొదటి దశ ఏప్రిల్‌-జూలై నెలల మధ్య ఉంటుందన్నారు. గృహాల జాబితా ఆధారంగా లెక్కిస్తామన్నారు. వివిధ రాష్ట్రాలు, కేంద్ర పాలిత ప్రాంతాల్లో సౌకర్యాన్ని బట్టి ఇది ఉంటుందన్నారు. ప్రతి రాష్ట్రం, కేంద్రపాలిత ప్రాంతాల్లో మొదలు పెట్టిన 45రోజుల్లో పూర్తిచేస్తామని ఆయన స్పష్ట చేశారు. 2011 సంవత్సరం ఫిబ్రవరి 9నుంచి 28వరకు రెండోదశ ఉంటుందని చంద్రమౌళి తెలిపారు. జనాభా సరళగణనగా పిలుచుకునే ఈ దశను దేశవ్యాప్తంగా ఏకకాలంలో నిర్వహిస్తారు. మొత్తం క్రతువు మార్చి 5నాటికి పూర్తవుతుంది. 640జిల్లాలు, 5, 767 తెహసిల్‌లు, 7, 742 పట్టణాలు, 6లక్షలకు పైగా గ్రామాలను చుట్టివస్తూ ఈ మహాయజ్ఞం పూర్తి కానుంది.

న్యూఢిల్లీ : బ్రిటన్ వీసా ఫీజులు మరింత ప్రియం అయ్యాయి. ప్రస్తుతం ఉన్న ఫీజులను పెంచుతున్నట్లు అక్కడి ప్రభుత్వం వెల్లడించింది. పెరిగిన ఫీజులు ఈ నెల ఆరో తేదీ నుంచి అమల్లోకి రానున్నాయి. ప్రస్తుతం ఉన్న ఫీజులపై గరిష్టంగా 2.5 శాతం పెంపుదల చేస్తున్నట్లు ఆ దేశం పేర్కొంది. ఈ మేరకు బ్రిటీష్ హై కమిషన్ ఒక ప్రకటన విడుదల చేసింది.

పెరిగిన వీసా ఫీజులను భారతీయ కరెన్సీలో తెలుసుకునేందుకుwww.vfsuk-in.com వెబ్‌సైట్‌ను చూడవచ్చని పేర్కొంది. పలు కేటగిరీల్లోని వీసాల ఫీజులు వాటిని రూపొందించడానికి అయ్యే వ్యయం కంటే తక్కువగా ఉన్నాయని కమిషన్ తెలిపింది. అలాగే ఇప్పటి వరకు ఉన్న కేటగిరీలతో పాటు 'డిపెండెంట్ వీసా' పేరిట మరో కొత్త కేటగిరీని కూడా ప్రవేశపెడుతున్నట్లు ప్రకటించింది. ఈ కేటగిరి కింద తల్లిదండ్రుల సహా రక్త సంబంధీకులు, 18 ఏళ్ల వయసు దాటిన తొడబుట్టిన వారికి వీసాలు మంజూరు చేస్తారు.

హైదరాబాద్ : సినీనటుడు జూనియర్ ఎన్టీఆర్-లక్ష్మీప్రణతిల నిశ్చితార్థం గురువారం ఉదయం ఘనంగా జరిగింది. అలాగే మే 9వ తేదీన వీరిద్దరి వివాహ ముహూర్తం నిశ్చయించారు. అతి కొద్ది మంది అతిథుల మధ్య వధువు తండ్రి నార్నే శ్రీనివాసరావు నివాసంలో ఈరోజు తెల్లవారుజాము 4-00గంటలకు పెద్దల సమక్షంలో ఎన్టీఆర్-లక్ష్మీప్రణతిల నిశ్చితార్థ వేడుకలు ప్రారంభమయ్యాయి.

ఇరు కుటుంబాల పెద్దగా చంద్రబాబునాయుడు దంపతులు హాజరుకాగా... నందమూరి కుటుంబం, హరికృష్ణ దంపతులు, బాలకృష్ణ, దగ్గుపాటి వెంకటేశ్వరరావు, పురంధరేశ్వరి, కొడాలి నాని, రాజమౌలి, వివి వినాయక్, కీరవాణి, మంత్రి మాణిక్యవరప్రసాదరావు, ప్రభుత్వ చీప్ విఫ్ భట్టి విక్రమార్క, పలువురు రాజకీయ నాయకులు, తదితరులు హాజరయి.. జూ. ఎన్టీఆర్-లక్ష్మీప్రణతిలను ఆక్షింతలు వేసి ఆశీర్వదించారు.

విజయనగరం : విజయనగరం యువరాణి వేదవతి కల్యణ మహోత్సవం అత్యంత  వైభవంగా జరిగింది. విజయనగర సంస్థానాదీశుడు, తెలుగుదేశం పార్టీ సీనియర్ నాయకుడు అశోక్ గజపతిరాజు కుమార్తె వేదవతితో, మాజీ డీజీపీ ఎస్ ఎస్ పీ యాదవ్ కుమారుడు భువన్ యాదవ్ వివాహం వైభవంగా జరిగింది. నగరంలోని క్షత్రియ కల్యాణమండపంలో ఆంగరంగ వైభవంగా ఈ కల్యాణ ఉత్సవం జరిగింది. టీడీపీ శాసనసభా పక్ష ఉపనేత అశోక్ గజపతిరాజు కుమార్తె అయన వేదవతి, మాజీ డీజీపీ యాదవ్ కుమారుడు భువన్ లు ప్రేమించుకున్న సంగతి తెలిసిందే. రాజధాని హైదరాబాద్ లో ఎదురెదురు ఇళ్లలో ఉంటున్న వేదవతి, భవన్ లు టెన్నిస్ ఆడుకుంటూ ఒకరినొకరు ప్రేమించుకున్నారు.  వీరి ప్రేమ వ్యవహారం మూడు నెలల క్రితం పెద్దలకు చేరింది. కాంగ్రెస్ పార్టీకి విధేయుడుగా పేరొందిన యాదవ్, టీడీపీలో  కీలక నేతగా వ్యవహరిస్తున్న అశోక్ ల వారసుల ప్రేమ వ్యవహారంపై రాజకీయంగా సర్వత్రా ఆసక్తి నెలకొంది. రాజకీయంగా  బద్ద శత్రవులైన  పార్టీలకు చెందిన నాయకుల వారసులు ప్రేమ వ్యవహారాన్ని పెద్దలు పెద్ద మనసుతో ఆశీర్వదించారు. దీంతో అశోక్, యాదవ్ లు వియ్యంకులయ్యారు. ఇటు అశోక్, అటు యాదవ్ లు కూడా తమ పుత్ర రత్నాల ప్రేమకు పచ్చ జెండా ఊపడంతో శనివారం సాయింత్రం విజయనగరంలో భజంత్రీలు మోగాయి. అత్యంత కన్నుల పండుగగా విజయనగరం యువరాణి వేదవతి కల్యాణ మహోత్సవం వైభోగంగా జరిగింది. పెళ్లిపీఠలపై క్షత్రీయుల సంప్రదాయం ప్రకారం వేదవతి ప్రత్యేక అలంకరణలో అత్యంత సౌందర్యవతిగా కనిపించారు. యాదవ్ కుమారుడు భువన్ కూడా ప్రత్యేకంగా రూపొందించిన దుస్తుల్లో కల్యాణ వేదికపై దర్శనమిచ్చారు. వేద పండితుల నిర్దేశిత ముహూర్తం ప్రకారం భువన్, వేదవతిల వివాహాం కన్నుల పండుగగా జరిగింది. పూసపాటి వంశానికి చెందిస పెద్దలతో పాటుగా సంస్థానానికి చెందిన పలువురు వధూవరులను అశీర్వీదించారు. ముందుగా ఆహ్వాన పత్రికలు అందిన  అతిధులు మాత్రమే కల్యాణానికి హాజరయ్యారు.  తేదేపా అధినేత చంద్రబాబు నాయుడు ఈ వివాహ మహోత్సవానికి హాజరు కానున్నారని తొలుత సమాచారం వచ్చనా, ఆయన విందుకు హాజరవుతారని పార్టీ వర్గాలు సమాచారం అందించాయి. దీంతో వేదవతి, భువన్ ల రిసెప్షెన్ కు పొల్టికల్ లుక్ రానుంది.