జగన్ వర్గానికి చెందిన మాజీ ఎమ్మెల్యే అంబటి రాంబాబు, మాజీ మంత్రి, ఎమ్మెల్యే కొండా సురేఖ బహిరంగంగా చేస్తున్న విమర్శల పట్ల వారు అభ్యంతరం వ్యక్తం చేస్తున్నారు.‘కాంగ్రెస్ నాయకత్వాన్నో, ముఖ్యమంత్రినో విమర్శిస్తూ ప్రకటన చేయాలని జగన్ ఎవరికీ చెప్పరు, ఏదైనా చెప్ప దలచుకుంటే ఆయనే స్వయంగా చెబుతారు. కానీ, జగన్కు సన్నిహితుల మని చెప్పుకుంటున్న వారు చేస్తున్న ప్రకటనల వెనుక జగన్ ప్రోత్సాహం ఉందన్న అనుమానం కలగడం సహజం, దీనివల్ల అధిష్ఠానం వద్ద జగన్ ప్రతిష్ట మరింత దెబ్బ తింటుంది’ అని జగన్కు గట్టి మద్దతుదారుడైన కోస్తా ప్రాంతానికి చెందిన ఎమ్మెల్యే ఒకరు చెప్పారు.
జగన్కు సన్నిహితులమని చెప్పుకుంటున్న వారు పరోక్షంగా ఆయనకు నష్టం కలిగిస్తున్నారని జగన్ మద్దతుదారులు అంటున్నారు. రానున్న రోజుల్లో ఒకవేళ జగన్ మీద అధిష్ఠానం చర్యలు తీసుకున్నా తప్పు లేదన్న భావన ప్రజల్లో కలగవచ్చని వారు చెబుతున్నారు. ప్రస్తుత పరిస్థితిలో జగన్కు సన్నిహితులమని చెప్పుకుంటున్న వారు ఎంత వౌనంగా ఉంటే జగన్కు అంత మంచిది, పార్టీలో జగన్ను ఎదగనీయకుండా కాంగ్రెస్ నాయకులు కొందరు అడ్డుకుంటున్నారన్న అభిప్రాయం ప్రజల్లో కలగాలని, దీనివల్ల రాజకీయంగా జగన్కు రానున్న రోజుల్లో ఉపయోగపడుతుందని వారు భావిస్తున్నారు. ‘జగన్కు బయటికి పంపించేందుకు ఆయన ప్రత్యర్థులు రెచ్చగొట్టేందుకు వ్యూహాత్మకంగా ప్రయత్నిస్తారు, ఆ వ్యూహంలో జగన్ మద్దతు దారులు ఎవరు చిక్కుకోకూడదు, కానీ కొంతమంది ప్రత్యర్థుల వ్యూహంలో చిక్కుకుంటున్నారు’ అని జగన్ మద్దతు దారులు అంటున్నారు.
ఇదే విషయాన్ని వారు జగన్కు కూడా చెబుతున్నారు. ఎవరు ఎంత రెచ్చగొట్టినా వౌనం వీడవద్దని జగన్కు వారు నచ్చజెబుతున్నారు. కాకినాడలో ముగిసిన జగన్ ఓదార్పు ముగింపు సభలో దాదాపు పాతిక మంది ఎమ్మెల్యేలు పాల్గొన్నారు, కాకినాడ సభ ముగిసిన మరునాడు జగన్కు గట్టి మద్దతుదారుడైన కడప జిల్లా జమ్మలమడుగు ఎమ్మెల్యే ఆదినారాయణరెడ్డి ఒక చానల్లో మాట్లాడుతూ చేసిన వ్యాఖ్యలు ఈ సందర్భంగా గమనార్హం. ‘జగన్కు గాని, మాకు గాని కాంగ్రెస్ పార్టీ నుంచి బయటికి పోవాలని లేదు, మేం ఎప్పటికీ కాంగ్రెస్ పార్టీలోనే ఉంటాం, జగన్కూడా కాంగ్రెస్ పార్టీలోనే ఉంటూ ఎదగాలని కోరుకుంటున్నాం, అధిష్ఠానవర్గానికి వ్యతిరేకంగా ఏమీ మాట్లాడవద్దని జగన్కు మేం నచ్చచెబున్నాం, కాంగ్రెస్ నాయకత్వం తనంతత తానుగా బయటికి పంపించేంత వరకు జగన్ పార్టీలోనే ఉంటారు’ ఆని ఆదినారాయణరెడ్డి చెప్పారు. ఇదే అభిప్రాయాన్ని ఆయనకు మద్దతు ఇస్తున్న ఎమ్మెల్యేలు చాలామంది వ్యక్తం చేస్తున్నారు.
హైదరాబాద్ : రాష్ట్ర మంత్రివర్గాన్ని ప్రక్షాళన చేసేందుకు ముఖ్యమంత్రి రోశయ్య సిద్ధమవుతున్నా రు. తెలంగాణ ఉప ఎన్నికలు కూడా ముగియడం, మునిసిపల్ ఎన్నికలను వాయిదా వేసేందుకు దాదాపు నిర్ణయించ డంతో రోశయ్య ఇక మంత్రివర్గ విస్త రణపై దృష్టి సారించారు. ఆ మేరకు అధిష్ఠానం కూడా గ్రీన్సిగ్నల్ ఇచ్చినట్లు పార్టీ వర్గాల సమాచారం. ఆగస్టు చివరి వారంలో గానీ, సెప్టెంబర్ మొదటి వారంలో గానీ విస్తరణ చేయవచ్చని పార్టీ వర్గాలు చెబుతున్నాయి. రోశయ్యకు మద్దతునిస్తున్న ఎమ్మెల్యేలలో కూడా దీనిపై అసహనం వ్యక్తమవుతోంది.
పార్టీ వర్గాలు చెబుతున్న సమాచారం ప్రకారం... ఈ నెల 25, 29 లేదా సెప్టెం బర్ 1న మంత్రివర్గ విస్తరణ ఖాయంగా ఉండవచ్చంటున్నారు. రోశయ్య నామ నక్షత్రం ప్రకారం.. పౌర్ణమి మరుసటి రోజయిన పాఢ్యమి ఆగస్టు 25న, దానితోపాటు పంచమి ఆదివారం (అశ్విని నక్షత్రం) 29న గానీ.. సప్తమి, అష్టమి కలసి వచ్చే సెప్టెంబర్ 1న గానీ మంత్రివర్గ విస్తరణ చేపట్టవచ్చని చెబుతున్నారు. ఈ తేదీలను పండితులు కూడా ఖరారు చేసినట్లు చెబుతున్నారు.
వీటిలో సెప్టెం బర్ 1 చాలా అనుకూలంగా ఉందంటు న్నారు. విస్తరణకు సంబంధించి ఇప్పటికే అధిష్ఠానం నుంచి గ్రీన్ సిగ్నల్ తీసు కున్నప్పటికీ, మళ్లీ ఈనెల మధ్యలో ఇదే అంశంపై రోశయ్య జాబితాతో ఢిల్లీకి వెళ్లనున్నట్లు తెలుస్తోంది. ప్రస్తుతం ఉన్న మంత్రివర్గాన్ని మొత్తంగా ప్రక్షాళన చేసి, తనకు అనుకూలురయిన వారిని ఎంపిక చేసుకునేందుకు రోశయ్యసిద్ధమవుతున్నారు. వ్యక్తిగత అజెండాలు లేకుండా తనకు, పార్టీకి విధేయులయిన వారిని మంత్రివర్గంలోకి తీసుకునేందుకే మొగ్గుచూపుతు న్నారు. తాను చేస్తున్న ప్రతిపాదనలు, సూచనలను మంత్రులు వ్యతిరేకించడం రోశయ్యకు అసంతృప్తి కలిగిస్తోంది.
ఇటీవల బయ్యారం గనులపై విచారణ జరిపిద్దామన్న ముఖ్యమంత్రి ప్రతిపాదనను చాలామంది మంత్రులు వ్యతిరేకిం చిన విషయం తెలిసిందే. ప్రస్తుతం ఉన్న మంత్రుల్లో చాలామంది జగన్ వర్గీయులుగా ముద్రపడ్డారు. జగన్ వచ్చిన ప్రతిసారీ వారంతా ఆయనను కలసివస్తూనే ఉన్నారు. కాగా, మంత్రివర్గ విస్తరణ సందర్భంగా రాయలసీమ- తెలంగాణ ప్రాంతాల నుంచి ఒక్కొక్కరిని ఉప ముఖ్యమంత్రులుగా తీసుకోవ చ్చని సమాచారం.
వేర్పాటు వాదం పెరిగిపోతున్న సమయంలో పార్టీని పటిష్ఠ పరచడంతో పాటు, ప్రాంతీయ సమతుల్యం, సీనియర్ల అసంతృప్తిని కూడా తగ్గించవచ్చన్న వ్యూహంతో ఇద్దరు ఉప ముఖ్యమంత్రులను తీసుకోవాలని యోచిస్తున్నారు. ప్రధానంగా.. తెలంగాణ నుంచి తప్పనిసరిగా ఒకరిని ఉప ముఖ్యమంత్రిగా నియమించడం ద్వారా పెద్ద మనుషుల ఒప్పందాన్ని గౌరవిం చినట్లు ఉంటుందని భావిస్తున్నారు. కోస్తా నుంచి రోశయ్య ముఖ్యమంత్రిగా కొనసాగుతున్నందున, రాయలసీమ నుంచి ఉప ముఖ్యమంత్రిని తీసుకుంటే ప్రాంతీయ సమతుల్యత పూర్తిగా పాటించినట్టవుతుందని యోచిస్తున్నారు.
టీడీపీ అధికారంలో ఉండగా అన్ని పత్రి కలూ ఆ పార్టీ ప్రభుత్వానికి కొమ్ము కాస్తే తానొక్క డినే కాంగ్రెస్కు అండగా నిలిచిన విషయాన్ని కూడా కాంగ్రెస్ నాయకత్వం విస్మరించడంపై ఆయన ఆగ్రహంతో ఉన్నట్లు చెబుతున్నారు. కాంగ్రెస్ ప్రభుత్వ సంక్షేమ పథకాలపై సానుకూల ప్రచారం చేసినందుకు తన పత్రిక సర్క్యులేషన్ అత్యంత దారుణంగా దిగజారి, కొత్త పత్రికల తర్వాత స్థానంలోకి రావలసివచ్చిందని ఆయన ఆవేదన వ్యక్తం చేసినట్లు పార్టీ వర్గాల సమాచారం. ‘ నేను కాంగ్రెస్కు ఎంతో సేవ చేశా. ఆర్థికంగా ఎంతో నష్టపోయా. వేరే రాష్ట్రంలో బాధ్యతలు అప్పగిస్తే కోటిన్నర రూపాయలతో బస్సు కొని తిరిగా. అయినా సోనియాగాంధీ అవన్నీ విస్మరించారు.
రోశయ్య కూడా నేను ఎంపీనయితే తన సామాజిక వర్గంలో తన పలుకుబడి తగ్గుతుందని భయంతో నాకు ఎంపీ రాకుండా అడ్డుకున్నారు. వీటికి త్వరలో మూల్యం చెల్లించుకోకతప్పద’ని తన సన్నిహితుల వద్ద వాపోయినట్లు పార్టీ వర్గాల్లో ప్రచారం జరుగుతోంది. ఈ పరిణామాలను బేరీజు వేసుకున్న ఆయన బీజేపీలో చేరాలని నిర్ణయించుకున్నట్లు తెలిసింది. బీజేపీ జాతీయ స్థాయి పార్టీ అయినందున, వ్యాపారపరంగా కూడా ఎలాంటి ఇబ్బందులు ఉండవన్న వ్యూహంతోనే ఆయన ఆ పార్టీలో చేరుతున్నట్లు పార్టీ వర్గాలు చెబుతున్నాయి. ఆ మేరకు ఆయన ఆ పార్టీ జాతీయ నేతలతో కూడా చర్చించినట్లు సమాచారం. కాంగ్రెస్ ప్రభుత్వంలో జరుగుతున్న అవినీతిని వెలికితీసి, రాష్ట్రంలో బీజేపీ అధికారంలో వచ్చేందుకు కృషి చే సి, కాంగ్రెస్కు తిరుగులేని గుణపాఠం చెబుతానని ఆయన ఈ సందర్భంగా వారికి హామీ ఇచ్చినట్లు తెలిసింది.
అల్లు వల్లే నేతలకు-చిరంజీవికి మధ్య దూరం పెరిగిందని, సిని మాల్లో మాదిరిగానే అరవింద్ ఉంటే చిరంజీవిని కలవనీ యరన్న అనుభవం గతంలోనే చవిచూసినందున ఈసారి కూడా పాత కథే పునరావృతమవుతుందేమోనని కార్యకర్త లు, నాయకులు ఆందోళన వ్యక్తం చేస్తున్నారు. సినీ భ్రమ లు తొలగి, ప్రజల్లో తన స్థానమేమిటో, తానేమిటో తెలు సుకుని ఇప్పుడిప్పుడే ప్రజలకూ. కార్యకర్తలకూ దగ్గరవు తున్న పార్టీ అధ్యక్షుడు చిరంజీవిని ‘అల్లు’ మళ్లీ మునుపటి మాదిరిగా పరదా చాటుకు పంపిస్తారేమోనన్న ఆందోళన వ్యక్తమవుతోంది. ఏమాత్రం రాజకీయ పరిజ్ఞానం, వ్యూహా లు, ఎత్తుగడ లేని అల్లు వల్ల పార్టీ దెబ్బతిని, జిల్లా పార్టీ ఆఫీసులు కూడా మూతపడ్డ దుస్థితిని నేతలు గుర్తు చేసు కుంటున్నారు.
ఎంతో రాజకీయ అనుభవం ఉండి, మంచి పార్లమెంటేరియన్లుగా గుర్తింపు పొందిన కోటగిరి విద్యాధ రరావు, సి.రామచంద్రయ్య వంటి నేతలు కూడా ఏ మా త్రం రాజకీయానుభవంలేని అల్లు పక్షాన వకాల్తా తీసుకోవ డంపై విస్మయం వ్యక్తం చేస్తున్నారు. ఈ సందర్భంగా ఆ ముగ్గురిలో ఎవరి స్థాయి పెరిగింది? ఎవరి స్థాయి తగ్గింద న్న చర్చ జరుగుతోంది. అసెంబ్లీ ఎన్నికల్లోనూ టిక్కెట్లు అమ్ముకున్నారన్న ఆరోపణలు ఎదుర్కొన్న అల్లు సరిగ్గా ము న్సిపల్ ఎన్నికల ముందే ప్రత్యక్షం అవుతుండటం చర్చనీ యాంశమైంది. ఒకసారి టిక్కెట్ల అమ్మకాల ఆరోపణలకే పార్టీ భ్రష్టుపట్టి పోయిందని, మళ్లీ మున్సిపల్ ఎన్నికల్లో ఇంకెన్ని ఆరోపణలు ఎదుర్కోవలసి వస్తుందేమోనని పార్టీ నేతలు ఆందోళన వ్యక్తం చేస్తున్నారు. కాంగ్రెస్తో పొత్తు కుదిరినందున కార్పొరేషన్, మున్సిపల్ ఎన్నికల్లో మళ్లీ టిక్కెట్ల అమ్మకాల ఆరోపణలు వస్తే పార్టీ ఇక కోలుకోవడ మే కష్టమంటున్నారు.
న్యూఢిల్లీ,జూన్ 9: ఓదార్పు యాత్ర మూలంగా కాంగ్రెస్ అధినాయకత్వంతో పేచీ పెట్టుకున్న దివంగత ముఖ్యమంత్రి వై.ఎస్.రాజశేఖర రెడ్డి కుమారుడు, లోక్సభ సభ్యుడు వై.ఎస్.జగన్మోహన్ రెడ్డి ఎన్.సి.పి అధ్యక్షుడు, కేంద్ర వ్యవసాయ శాఖ మంత్రి శరద్ పవార్తో మంతనాలు జరుపుతున్నట్లు తెలిసింది. జగన్మోహన్ రెడ్డి చేపట్టిన ఓదార్పు యాత్ర విషయంలో కాంగ్రెస్ అధినాయకత్వం తీవ్ర స్థాయిలో మండిపడుతుండటం తెలిసిందే. కాంగ్రెస్ అధినాయకత్వం నుండి అందిన సూచన మేరకు జూలై 8 తేదీ వరకు తన ఓదార్పు యాత్రను వాయిదా వేసుకుంటున్నట్లు జగన్ ప్రకటించటం తెలిసిందే. కాంగ్రెస్ అధినాయకత్వం జూలైలో కూడా ఓదార్పు యాత్రకు అనుమతి ఇవ్వని పక్షంలో ఏం చేయాలనేది జగన్మోహన్ రెడ్డి ముందుకున్న ప్రధాన ప్రశ్న. ఈ ప్రశ్నకు సమాధానం వెతికే కార్యక్రమంలో భాగంగానే ఆయన శరద్ పవార్తో మంతనాలు జరుపుతున్నారని అంటున్నారు.
కాంగ్రెస్ అధినాయకత్వం తనను కట్టడి చేయటం ఇష్టం లేని జగన్మోహన్ రెడ్డి కొత్త సమీకరణాల కోసం ప్రయత్నిస్తున్నట్లు తెలిసింది. జగన్మోహన్ రెడ్డి తన భవిష్యత్ రాజకీయం గురించి శరద్ పవార్తో చర్చించారని అంటున్నారు. ఎన్.సి.పిలో చేరాలంటూ శరద్ పవార్ చేసిన ప్రతిపాదన గురించి జగన్మోహన్ రెడ్డి తన సన్నిహితులతో చర్చలు జరుపుతున్నారని చెబుతున్నారు. గతంలో దివంగత ముఖ్యమంత్రి వై.ఎస్.రాజశేఖర రెడ్డి కూడా అసమ్మతి నాయకుడిగా కొనసాగుతున్నప్పుడు శరద్ పవార్తో దోస్తీ చేయటం తెలిసిందే. శరద్ పవార్ సలహా మేరకే ఆయన ఒక ప్రాంతీయ పార్టీని ప్రారంభించే దిశగా ప్రయత్నాలు కూడా జరిపారు. ఇప్పుడు జగన్మోహన్ రెడ్డి కూడా తన భవిష్యత్ రాజకీయం కోసం శరద్ పవార్ వైపు చూస్తున్నారని అంటున్నారు. జగన్మోహన్ రెడ్డి ముందు ప్రకటించిన ప్రకారం జూలై ఎనిమిదో తేదీనాడు శ్రీకాకుళంలో ఓదార్పు యాత్రను ప్రారంభించేందుకు అన్ని ఏర్పాట్లు చేసుకుంటున్నారు. అదేరోజు ఆయన తన భవిష్యత్ రాజకీయ కార్యక్రమం గురించి ప్రకటించే అవకాశాలున్నాయని అంటున్నారు.
Phoca Gallery Tree Module
Right Menu
User Comments
K2 Login
Andhra Polls
Loading Poll...