andhra news mail

హైదరాబాద్ : ఓ పత్రికాధినేత పార్టీ మార్చాలని యోచిస్తున్నట్లు తెలిసింది. మార్వాడీ వర్గానికి చెందిన ఆయన తనకు కాంగ్రెస్‌ నాయకత్వం రాజ్యసభ సీటు ఇవ్వకపోవడమే ఇందుకు కారణం. దీంతో ఆయన కాంగ్రెస్ పార్టీ పై తీవ్ర ఆగ్రహంతో ఉన్నారు. ఈ విషయంలో తన సామాజిక వర్గానికే చెందిన ముఖ్యమంత్రి రోశయ్య కూడా తనను మోసం చేశారని ఆయన భావిస్తున్నట్లు సమాచారం. దేశ వ్యాప్తంగా మార్వాడీ, వైశ్య వర్గాలకు ప్రాతినిధ్యం వహిస్తున్న తనను కాంగ్రెస్‌ అధ్యక్షు రాలు సోనియాగాంధీ రాజ్యసభ సీటు ఇవ్వకుండా అవమానించారని, అందుకే రాష్ట్రంలో కాంగ్రెస్‌ను ఓడించి తన శక్తి ఏమిటో సోనియాకురుజువుచేస్తానని ఇటీవల తన సన్నిహితుల వద్ద వ్యాఖ్యానించినట్లు పార్టీ వర్గాల్లో ప్రచారం జరుగు తోంది.

టీడీపీ అధికారంలో ఉండగా అన్ని పత్రి కలూ ఆ పార్టీ ప్రభుత్వానికి కొమ్ము కాస్తే తానొక్క డినే కాంగ్రెస్‌కు అండగా నిలిచిన విషయాన్ని కూడా కాంగ్రెస్‌ నాయకత్వం విస్మరించడంపై ఆయన ఆగ్రహంతో ఉన్నట్లు చెబుతున్నారు. కాంగ్రెస్‌ ప్రభుత్వ సంక్షేమ పథకాలపై సానుకూల ప్రచారం చేసినందుకు తన పత్రిక సర్క్యులేషన్‌ అత్యంత దారుణంగా దిగజారి, కొత్త పత్రికల తర్వాత స్థానంలోకి రావలసివచ్చిందని ఆయన ఆవేదన వ్యక్తం చేసినట్లు పార్టీ వర్గాల సమాచారం. ‘ నేను కాంగ్రెస్‌కు ఎంతో సేవ చేశా. ఆర్థికంగా ఎంతో నష్టపోయా. వేరే రాష్ట్రంలో బాధ్యతలు అప్పగిస్తే కోటిన్నర రూపాయలతో బస్సు కొని తిరిగా. అయినా సోనియాగాంధీ అవన్నీ విస్మరించారు.

రోశయ్య కూడా నేను ఎంపీనయితే తన సామాజిక వర్గంలో తన పలుకుబడి తగ్గుతుందని భయంతో నాకు ఎంపీ రాకుండా అడ్డుకున్నారు. వీటికి త్వరలో మూల్యం చెల్లించుకోకతప్పద’ని తన సన్నిహితుల వద్ద వాపోయినట్లు పార్టీ వర్గాల్లో ప్రచారం జరుగుతోంది. ఈ పరిణామాలను బేరీజు వేసుకున్న ఆయన బీజేపీలో చేరాలని నిర్ణయించుకున్నట్లు తెలిసింది. బీజేపీ జాతీయ స్థాయి పార్టీ అయినందున, వ్యాపారపరంగా కూడా ఎలాంటి ఇబ్బందులు ఉండవన్న వ్యూహంతోనే ఆయన ఆ పార్టీలో చేరుతున్నట్లు పార్టీ వర్గాలు చెబుతున్నాయి. ఆ మేరకు ఆయన ఆ పార్టీ జాతీయ నేతలతో కూడా చర్చించినట్లు సమాచారం. కాంగ్రెస్‌ ప్రభుత్వంలో జరుగుతున్న అవినీతిని వెలికితీసి, రాష్ట్రంలో బీజేపీ అధికారంలో వచ్చేందుకు కృషి చే సి, కాంగ్రెస్‌కు తిరుగులేని గుణపాఠం చెబుతానని ఆయన ఈ సందర్భంగా వారికి హామీ ఇచ్చినట్లు తెలిసింది.

హైదరాబాద్ : 'అల్లు' వారు మళ్లీ రాజకీయ తెరపైకి వస్తున్నారు. గత ఎన్నికల్లో తీవ్రమైన అవినీతి ఆరోపణలను ఎదుర్కొని అభాసుపాలైన సినీ నిర్మాత, ప్రజారాజ్యం పార్టీ ప్రధాన కార్యదర్శి అల్లు అరవింద్ మళ్లీ పొలిటికల్ సెకెండ్ ఇన్నింగ్స్ ఆడేందుకు బరిలోకి దిగుతున్నారు. గత ఎన్నికల ఫలితాల తర్వాత ఆయన తెర వెనక్కి వెళ్లారు. తదనంతరం చాలామంది సీనియర్లు, చివరకు చిరంజీవికి వ్యక్తిగత మిత్రులైన నాయకులు కూడా అల్లు అరవింద్‌ నియంతృ త్వ పోకడల వల్లే పార్టీ ఓడిందని, పార్టీని సినిమా డిస్ట్రిబ్యూ షన్‌ కంపెనీగా మార్చి, ఏరియాల వారీగా టికెట్లు అమ్ముకు న్నారంటూ పార్టీ కోసం కష్టపడిన నాయకులే ధ్వజమెత్తి వెళ్లిపోయారు. పరకాల ప్రభాకర్‌ వంటి నేతలయితే స్వ యంగా పార్టీ ఆఫీసులోనే రాజీనామా ప్రకటించి, పీఆర్పీని ఒక విషవృక్షంగా అభివర్ణించడం సంచలనం సృష్టించింది.క్రమంగా తనపై విమర్శల దాడి పెరగడంతో పరిస్థితి గ్రహించిన అల్లు కొంతకాలం తెరవెనుకకు వెళ్లిపోయి, సినీ వ్యాపారంపై దృష్టి సారించారు. అయితే అసెంబ్లీ ఎన్ని కల తర్వాత అంతర్థానమై, మళ్లీ మున్సిపవ్‌ ఎన్నికల ముం దు ప్రత్యక్షం కావడం చర్చనీయాంశమయింది. పార్టీ ఈ పరిస్థితిలో ఉండటానికి కారణమైన అల్లు తిరిగి వస్తుండ టంపై పార్టీ శ్రేణుల్లో అసంతృప్తి వ్యక్తమవుతోంది.

అల్లు వల్లే నేతలకు-చిరంజీవికి మధ్య దూరం పెరిగిందని, సిని మాల్లో మాదిరిగానే అరవింద్‌ ఉంటే చిరంజీవిని కలవనీ యరన్న అనుభవం గతంలోనే చవిచూసినందున ఈసారి కూడా పాత కథే పునరావృతమవుతుందేమోనని కార్యకర్త లు, నాయకులు ఆందోళన వ్యక్తం చేస్తున్నారు. సినీ భ్రమ లు తొలగి, ప్రజల్లో తన స్థానమేమిటో, తానేమిటో తెలు సుకుని ఇప్పుడిప్పుడే ప్రజలకూ. కార్యకర్తలకూ దగ్గరవు తున్న పార్టీ అధ్యక్షుడు చిరంజీవిని ‘అల్లు’ మళ్లీ మునుపటి మాదిరిగా పరదా చాటుకు పంపిస్తారేమోనన్న ఆందోళన వ్యక్తమవుతోంది. ఏమాత్రం రాజకీయ పరిజ్ఞానం, వ్యూహా లు, ఎత్తుగడ లేని అల్లు వల్ల పార్టీ దెబ్బతిని, జిల్లా పార్టీ ఆఫీసులు కూడా మూతపడ్డ దుస్థితిని నేతలు గుర్తు చేసు కుంటున్నారు.

ఎంతో రాజకీయ అనుభవం ఉండి, మంచి పార్లమెంటేరియన్లుగా గుర్తింపు పొందిన కోటగిరి విద్యాధ రరావు, సి.రామచంద్రయ్య వంటి నేతలు కూడా ఏ మా త్రం రాజకీయానుభవంలేని అల్లు పక్షాన వకాల్తా తీసుకోవ డంపై విస్మయం వ్యక్తం చేస్తున్నారు. ఈ సందర్భంగా ఆ ముగ్గురిలో ఎవరి స్థాయి పెరిగింది? ఎవరి స్థాయి తగ్గింద న్న చర్చ జరుగుతోంది. అసెంబ్లీ ఎన్నికల్లోనూ టిక్కెట్లు అమ్ముకున్నారన్న ఆరోపణలు ఎదుర్కొన్న అల్లు సరిగ్గా ము న్సిపల్‌ ఎన్నికల ముందే ప్రత్యక్షం అవుతుండటం చర్చనీ యాంశమైంది. ఒకసారి టిక్కెట్ల అమ్మకాల ఆరోపణలకే పార్టీ భ్రష్టుపట్టి పోయిందని, మళ్లీ మున్సిపల్‌ ఎన్నికల్లో ఇంకెన్ని ఆరోపణలు ఎదుర్కోవలసి వస్తుందేమోనని పార్టీ నేతలు ఆందోళన వ్యక్తం చేస్తున్నారు. కాంగ్రెస్‌తో పొత్తు కుదిరినందున కార్పొరేషన్‌, మున్సిపల్‌ ఎన్నికల్లో మళ్లీ టిక్కెట్ల అమ్మకాల ఆరోపణలు వస్తే పార్టీ ఇక కోలుకోవడ మే కష్టమంటున్నారు.

న్యూఢిల్లీ,జూన్ 9: ఓదార్పు యాత్ర మూలంగా కాంగ్రెస్ అధినాయకత్వంతో పేచీ పెట్టుకున్న దివంగత ముఖ్యమంత్రి వై.ఎస్.రాజశేఖర రెడ్డి కుమారుడు, లోక్‌సభ సభ్యుడు వై.ఎస్.జగన్‌మోహన్ రెడ్డి ఎన్.సి.పి అధ్యక్షుడు, కేంద్ర వ్యవసాయ శాఖ మంత్రి శరద్ పవార్‌తో మంతనాలు జరుపుతున్నట్లు తెలిసింది. జగన్‌మోహన్ రెడ్డి చేపట్టిన ఓదార్పు యాత్ర విషయంలో కాంగ్రెస్ అధినాయకత్వం తీవ్ర స్థాయిలో మండిపడుతుండటం తెలిసిందే. కాంగ్రెస్ అధినాయకత్వం నుండి అందిన సూచన మేరకు జూలై 8 తేదీ వరకు తన ఓదార్పు యాత్రను వాయిదా వేసుకుంటున్నట్లు జగన్ ప్రకటించటం తెలిసిందే. కాంగ్రెస్ అధినాయకత్వం జూలైలో కూడా ఓదార్పు యాత్రకు అనుమతి ఇవ్వని పక్షంలో ఏం చేయాలనేది జగన్‌మోహన్ రెడ్డి ముందుకున్న ప్రధాన ప్రశ్న. ఈ ప్రశ్నకు సమాధానం వెతికే కార్యక్రమంలో భాగంగానే ఆయన శరద్ పవార్‌తో మంతనాలు జరుపుతున్నారని అంటున్నారు.

కాంగ్రెస్ అధినాయకత్వం తనను కట్టడి చేయటం ఇష్టం లేని జగన్‌మోహన్ రెడ్డి కొత్త సమీకరణాల కోసం ప్రయత్నిస్తున్నట్లు తెలిసింది. జగన్‌మోహన్ రెడ్డి తన భవిష్యత్ రాజకీయం గురించి శరద్ పవార్‌తో చర్చించారని అంటున్నారు. ఎన్.సి.పిలో చేరాలంటూ శరద్ పవార్ చేసిన ప్రతిపాదన గురించి జగన్‌మోహన్ రెడ్డి తన సన్నిహితులతో చర్చలు జరుపుతున్నారని చెబుతున్నారు. గతంలో దివంగత ముఖ్యమంత్రి వై.ఎస్.రాజశేఖర రెడ్డి కూడా అసమ్మతి నాయకుడిగా కొనసాగుతున్నప్పుడు శరద్ పవార్‌తో దోస్తీ చేయటం తెలిసిందే. శరద్ పవార్ సలహా మేరకే ఆయన ఒక ప్రాంతీయ పార్టీని ప్రారంభించే దిశగా ప్రయత్నాలు కూడా జరిపారు. ఇప్పుడు జగన్‌మోహన్ రెడ్డి కూడా తన భవిష్యత్ రాజకీయం కోసం శరద్ పవార్ వైపు చూస్తున్నారని అంటున్నారు. జగన్‌మోహన్ రెడ్డి ముందు ప్రకటించిన ప్రకారం జూలై ఎనిమిదో తేదీనాడు శ్రీకాకుళంలో ఓదార్పు యాత్రను ప్రారంభించేందుకు అన్ని ఏర్పాట్లు చేసుకుంటున్నారు. అదేరోజు ఆయన తన భవిష్యత్ రాజకీయ కార్యక్రమం గురించి ప్రకటించే అవకాశాలున్నాయని అంటున్నారు.

లక్నో : ఆమె పీడిత దళిత ప్రజల ప్రతినిధినని సగర్వగంగా చెప్పుకుంటారు. కానీ ధనార్జనలో మాత్రం కోటీశ్వరులను మించిపోయారు. ఈ మహిళ మరెవరో కాదు... ఉత్తర్ ప్రదేశ్ ముఖ్యమంత్రి, బిఎస్పీ అధినేత్రి మాయావతి. అవును కేవలం మూడేళ్లు కాలంలో ముప్ఫై వేల కోట్ల రూపాయల ఆస్తులు సంపాదించిన ఘనతను ఆమె సాధించారు. యూపీలో మూడేళ్ల క్రితం మాయావతి ఆస్తలకు, ఇప్పడు తాజాగా ఆమె సంపాదనకు మధ్య వ్యత్యాసం 35 కోట్ల రూపాయలుగా తేలింది. ఉత్తర ప్రదేశ్ లో గతంలో ఎన్నికలు  జరిగినపుడు మాయావతి ఎన్నికల కమిషన్ కు సమర్పించిన అఫిడవిట్ లో తన ఆస్తులు విలువ 52 కోట్లు రూపాయలుగా తెలిపారు. ఇపుడు యూపీలో జరుగుతున్న విధాన పరిషత్ ఎన్నికల కోసం ఈసీకి ఆమె సమర్పంచిన నివేదికలో తన ఆస్తుల విలువ 87 కోట్లు రూపాయలుగా పేర్కొన్నారు. అంటే మాయావతి ముఖ్యమంత్రి పదవి చేపట్టిన ఈ మూడేళ్ల కాలంలో ఆమె సంపాదించిన ఆస్తులు 35 కోట్లు రూపాయల పైమాటేనన్నది తెలుస్తూనే ఉంది.

బ్యాంకు డిపాజిట్లలో 11.39 కోట్ల రూపాయలు, 12.9 లక్షల మేరకు వగదు నిల్వలు ఉన్నట్లు మాయావతి ఈసీకి సమర్పించిన అఫిడవిట్ లో పేర్కొన్నారు. అంతేగాక ఆమె అత్యంత ప్రీతిపాత్రంగా ధరించే బంగారం కూడా భారీగానే సంపాదించారు. 1034.26 కేజీల బంగారం, ఆలాగే 380 కేజీల డైమండ్ నక్లెస్ లు, 18.7 కేజీల  వెండితో పాటుగా పలు భవంతులు, స్థలాలు, ఇతర ఆస్తులు ఉన్నట్లు పేర్కొన్నారు.

మూడేళ్లలో మాయావతి ఆస్తులు 35 కోట్ల రూపాయలు మేరకు పెరగటంపై విపక్షాలు దుమ్మెత్తిపోస్తున్నాయి. కొద్దిరోజుల క్రితం జరిగిన ర్యాలీలో మాయావతి బంగారు కిరీటాలు, డబ్బు దండలు ధరించడంపై విరుచుకుపడిన విపక్షాలు ఇపుడు మళ్లీ తమ ఆరోపణలకు పదునుపెడుతున్నాయి.

న్యూఢిల్లీ: యు.పి.ఏ సంకీర్ణ ప్రభుత్వం రెండోసారి పగ్గాలు చేపట్టి ఏడాది పూర్తయన సందర్భంగా ప్రధాని మన్మోహన్ సింగ్ శనివారం సాయంత్రం రేస్ కోర్స్ రోడ్డులోని తమ నివాసంలో యు.పి.ఏ కూటమి ఎంపీలు, మంత్రులకు ఏర్పాటు చేసిన విందు సమావేశానికి మిత్ర పక్షాల నాయకులు హాజరవుతారా? తృణమూల్ కాంగ్రెస్ అధ్యక్షురాలు, రైల్వే మంత్రి మమతా బెనర్జీ, ఆర్‌జెడి అధ్యక్షుడు లాలూ ప్రసాద్ , సమాజ్‌వాదీ పార్టీ అధ్యక్షుడు ములాయం సింగ్ యాదవ్‌లను కూడా మన్మోహన్ ఆహ్వానించారు. యుపిఏ మిత్రపక్షాలకు చెందిన మంత్రులు, పార్లమెంటు సభ్యులు విందుకు హాజరవుతారు. చట్టసభల్లో మహిళలకు 33శాతం సీట్లు రిజర్వు చేయటంలో బిసి మహిళలకు సబ్‌కోటా కల్పించనందుకు యాదవ నాయకులు ఆగ్రహంతో ఉన్నారు. జనగణనలో బిసి కులాల వివరాలు సేకరించే అంశాన్ని మంత్రివర్గంలో చర్చించి ఒక నిర్ణయం తీసుకుంటామని మన్మోహన్ సింగ్ లోక్‌సభలో చేసిన ప్రకటన ఇంత వరకు ఆచరణలోకి రానందుకు ములాయం, లాలూ అసంతృప్తితో ఉన్నారు. పశ్చిమ బెంగాల్ స్థానిక సంస్థల ఎన్నికలు, కార్పొరేషన్ ఎన్నికల్లో సీట్ల సర్దుబాటు కుదరక పోవటంతో కాంగ్రెస్, తృణమూల్ కాంగ్రెస్‌ల మధ్య ఇటీవల దూరం పెరిగింది. దీంతో మన్మోహన్ ఇస్తున్న విందు సమావేశానికి హాజరు కాకూడదని మమతా బెనర్జీ నిర్ణయించుకున్నారు. ఈ విషయం తెలియగానే ప్రధాని రంగంలోకి దిగి ఆమెను బుజ్జగించే యత్నాలు చేస్తున్నట్టు సమాచారం. ఆయన స్వయంగా మమతా బెనర్జీకి టెలిఫోన్ చేసి పిలవగా ఆమె మనసు మారుతోందని అంటున్నారు.

ఇక విందుకు ములాయం సింగ్ యాదవ్, లాలూ ప్రసాద్ యాదవ్‌లను ఆహ్వానించటం పై కాంగ్రెస్‌లో భిన్నాభిప్రాయాలు వ్యక్తమవుతున్నాయి. మహిళాబిలులపై యాదవ త్రయం చేసిన రచ్చను వారు గుర్తు చేస్తున్నారు. విపక్షాలు లోక్‌సభలో ప్రవేశ పెట్టిన కోత తీర్మానాలు వీగిపోయన నేపథ్యంలోనే ములాయం, లాలూను విందు సమావేశానికి సోనియా గాంధీ ప్రత్యేకంగా ఆహ్వానించారని చెబుతున్నారు. సోనియా చొరవ వల్లే జనగణనలో బి.సిల వివరాలు సేకరించే విషయాన్ని మంత్రివర్గంలో పరిశీలిస్తామని మన్మోహన్ లోక్‌సభలో హామీ ఇచ్చారు. ప్రభుత్వం ఐదేళ్ళూ ఉండాలంటే లాలూ ప్రసాద్ యాదవ్, ములాయం సింగ్ యాదవ్‌ల మద్దతు ఎంతో అవసరమని సోనియా విశ్వసిస్తున్నట్టు తెలిసింది.